Қызылорда облысының әкімдігі мен Облыстық денсаулық сақтау басқармасының қолдауымен Облыстық перинаталдық орталыққа құны 19,5 млн. теңге болатын анестезиялық-тыныс алу аппараты және жалпы құны 55, 6 млн. теңге тұратын үш операциялық шам сатып алынды. Сонымен қатар:
✅ 7 дана әмбебап монитор – нәрестелер мен ересектердің өмірлік маңызды көрсеткіштерін бақылауға арналған. Құны: 24,4 млн. теңге.
✅ 2 дана неонатальды жылытқыш жүйе – жаңа туған нәрестелердің тұрақты температуралық жағдайын қамтамасыз етеді. Құны: 26,9 млн. теңге.
✅ 2 дана неонаталды инкубатор – шала туған сәбилерге күтім жасауға арналған арнайы орта. Құны: 27,3 млн. теңге.
✅ 2 дана ота жасау үстелі – хирургиялық араласу үшін заманауи әрі сенімді жабдық. Құны: 32,9 млн. теңге.
✅ 2 дана ашық реанимациялық неонаталды жүйе – шұғыл жағдайларда сәбилерге реанимациялық көмек көрсетуге арналған. Құны: 35,9 млн. теңге.
✅ 28 дана әмбебап функционалды төсек-үстел – жаңа туған нәрестелерді күтуге арналған көпфункционалды жүйе. Құны: 16,6 млн. теңге.
Бұл заманауи медициналық жабдықтар орталықта көрсетілетін қызметтердің сапасын арттыруға, күрделі операцияларды жоғары деңгейде жүргізуге, ана мен бала өмірін сақтауға мүмкіндік береді.
Анестезиялық-тыныс алу аппараты операциялық және шұғыл көмек көрсету кезінде қауіпсіз және тиімді анестезия жасауға арналған. Аппараттың жоғары дәлдігі пациенттердің денсаулығын барынша қорғауға жағдай жасайды.
Операциялық шамдар күрделі хирургиялық араласулар кезінде жарық деңгейінің жоғары болуын қамтамасыз етеді, бұл дәрігерлердің жұмыс сапасын жақсартып, ота жасау барысындағы қауіптерді азайтады.
Бұл медициналық техникалар өңірдегі денсаулық сақтау саласын дамытуға және ана мен бала өмірін қорғау деңгейін жаңа сатыға көтеруге зор үлес қосады.
Қызылорда облысының әкімдігі мен Облыстық денсаулық сақтау басқармасының қолдауына зор алғысымызды білдіреміз!
